Nominatim Search Courtesy of MapQuest

Ce:

Cemût che e je fate

Cheste mape e je basade sui dâts di OpenStreetMap, un progjet pe creazion di une mape libare dal mont. Su la base di chescj dâts al è stât fat un rendering cul program Maperitive, metint in evidence dôs etichetis (o tags):

  1. name:fur
  2. loc_name

Tecnicamentri

I dâts a vegnin discjamâts di GFoss.it dulà che si cjatin i dâts dividûts par regjons talianis che a son inzornâts ogni vinars. Chescj dâts a vegnin po cjamâts in Maperitive, dulà che po al ven aplicât un file des regulis che al evidenzie i doi nons che o vin dit parsore. Po par produsi lis imagjinis si dopre il comant di Maperitive generate-tiles (par cumò cun minzoom=9 e maxzoom=16). Dopo un pâr di orutis o vin i files pronts te cartele Tiles e si puedin cjamâ su chest sît. L'ultin particulâr pe visualizazion al è chel di vê un script che al permet di viodi chestis imagjinis (o tiles) in mût organic. O ai sielt Leaflet, parcè che mi samee moderne e cuntun voli pai dispositîfs mobii che a son simpri plui impuartants. Une altre vie che o ai esplorât al è chel di doprâ OpenLayers.
ULTIN INZORNAMENT: 8 di MAI 2012
LAST UPDATE: 8th May 2012

Stât

Pe fin dal 2011, dute la aree furlanofone de provincie di Udin e di chê di Gurize a varessin di jessi finudis, a livel di nons dai paîs. Mancjin ancjemò monts, roiuts, paîs de provincie di Pordenon, nons des stradis... no si à mai finît!

Cemût fasio a dâ une man?

Il mût plui facil par judâ al è chel di regjistrâsi su OpenStreetMap (si pues notâ come il sît al sedi par furlan se si dopre un sgarfadôr furlanizât). Une volte culì al conven cjalâ la documentazion par scomençâ. Par mapâ si pues doprâ o l'imprest sul sît che si clame Potlatch o se no un program separât come JOSM o Merkaartor. Se o viodin puescj, stradis o cualsisei carateristiche gjeografiche, o podin zontâ une etichete name:fur o loc_name.

Leams e altris progjets interessants

Il blog "Furlans, digjitait furlan"
Liste dai toponims par cure de ARLeF cu la version standard e chês locâls
Osm Alba
Open Irish Map
OpenStreetMap Cymaraeg

Contatânus

Scrivimi alc